佈局絕妙烏托邦嘅寓言，結合魯迅嘅《狂人日記》一齊服用，掂過碌蔗啊！「吃人」無非系人人自私自利，人與人之間為了利益欲望而互相傷害嘅社會現實。戲中講述全城「缺肉」嘅經濟蕭條年代為背景，黑心豬肉鋪老細開始苦尋人肉「貨源」，而一名馬戲團小丑Louison初來此地，瞬即被豬肉鋪老細同樓上住客們視佢為「貨源」之一，面對被人吃落肚嘅Louison，好彩同豬肉鋪嘅千金Julie睇對眼，於是兩人絕地反彈，攜手逃離呢個荒誕之地。以風格明快、天馬行空嘅怪誕美學，打造只屬法蘭西暗黑風喜劇。